METAK, BMU-nun “Karyera Həftəsi 2025” tədbirində iştirak etdi

METAK şirkəti, Bakı Mühəndislik Universitetinin “Karyera Həftəsi 2025: Gələcəyini kəşf et!” layihəsi çərçivəsində keçirilən “Mühəndislik” və “Memarlıq və İnşaat” fakültələri üzrə Karyera Sərgisi və Alumni Panelində iştirak etmişdir.

Şirkətimizin bu tədbirdə iştirakı gələcək mühəndis kadrları ilə birbaşa əlaqə qurmaq, onların bilik və bacarıqlarını ilkin mərhələdə qiymətləndirmək, həmçinin staj və işə qəbul üçün potensial namizədləri müəyyənləşdirmək baxımından mühüm əhəmiyyət daşıyır.

Bununla yanaşı, tədbir METAK-ın ali təhsil müəssisələri ilə əməkdaşlığının genişləndirilməsi, brendinin gücləndirilməsi və BMU-nun alumni şəbəkəsi ilə yeni tərəfdaşlıq imkanlarının formalaşdırılması üçün dəyərli platforma yaratmışdır.

Bu təşəbbüs ixtisaslı mühəndis kadrlarının hazırlanması və gənc mütəxəssislərin istehsalat sahəsinə inteqrasiyasına dəstək məqsədlərimizə xidmət edir.